زبُور 122
122
یروشلیِم کی تعرِیف و تَوصیِف
معلوت یعنی ہَیکل کی زِیارت کا گِیت۔ داؤُد کا۔
1مَیں خُوش ہُؤا جب وہ مُجھ سے کہنے لگے
آؤ خُداوند کے گھر چلیں۔
2اَے یروشلِیم! ہمارے قدم
تیرے پھاٹکوں کے اندر ہیں۔
3اَے یروشلِیم! تُو اَیسے شہر کی مانِند ہے
جو گُنجان بنا ہو۔
4جہاں قبِیلے یعنی خُداوند کے قبِیلے
اِسرائیل کی شہادت کے لِئے
خُداوند کے نام کا شُکر کرنے کو جاتے ہیں۔
5کیونکہ وہاں عدالت کے تخت
یعنی داؤُد کے خاندان کے تخت قائِم ہیں۔
6یروشلِیم کی سلامتی کی دُعا کرو۔
وہ جو تُجھ سے مُحبّت رکھتے ہیں اِقبال مند
ہوں گے۔
7تیری فصِیل کے اندر سلامتی
اور تیرے محلّوں میں اِقبال مندی ہو۔
8مَیں اپنے بھائیوں اور دوستوں کی خاطِر
اب کہُوں گا تُجھ میں سلامتی رہے۔
9خُداوند اپنے خُدا کے گھر کی خاطِر
مَیں تیری بھلائی کا طالِب رہُوں گا۔